Jus galggat geavahit girjerádjosa bálvalusaid, nugo luoikat, de dárbbahat girjerádjoskontu pinkodain. Dat lea nuvttá ja doaibma visot Värmlándda girjerádjosiin. Ná rabat girjerádjoskontu jus leat 18 jagi ja boarrásit.

1. Mana siidui www.bibliotekvarmland.se/protected/bibliotekskonto ja deavdde skovi. Dán sáhtát bargat ruovttus dahje girjerádjosis.
2. Mana váikko makkár girjerádjosii Värmlánddas čállit vuollái soahpamuša. Váldde mielde govvalegitimašuvnna.

Jus don háliidat don sáhtát oažžut fysalaš girjerádjosgoartta čadnon du girjerádjoskontui, muhto ii leat mihkkege maid fertet atnit. Váldde oktavuođa girjerádjosiin jus láhpán dahje massán goarttaset, de bargit veahkehit du giddet dan.

Jus don leat nuorat go 18 jagi de rabat girjerádjoskontu erenoamáš soahpamušain man sáhtát viežžat webbasajis ja girjerádjosis. Du fuolaheaddji ferte čállit vuollái soahpamuša.

Webbasajis gávnnat visot maid lea vejolaš luoikat girjerádjosis. Das oainnát maid mii dáhpáhuvvá girjerádjosis, makkár rabasáiggit leat, girjerávvagat ja ollu eanet.

Jus don logget sisa “Mu siidduide” webbasajis de oainnát maid leat luoikat ja man guhkes luoikanáigi dus lea. Don logget sisa du persovdnanummariin dahje nummariin du girjerádjosgoarttas ja du pinkodain.

Oza girjji njuolga ohcanruvttás webbasajis.  Maŋŋil go leat deaddilan oza de sáhtát čuoldit ohcanbohtosiid gielaid mielde.  Oza bajičállaga “Giella” dies go čuolddát ja vállje du giela.

Dábálaš luoikanáigi lea njeallje vahku muhto gávdnojit spiehkastagat. Go luoikkat de oaččut guitte gos čužžo makkár beaivvi fertet guođđit ruovttoluotta maid leat luoikan. Don sáhtát maid oaidnit goas du luoikamat nohket go logget sisa “Mu siidduide” webbasiiddus.  Jeara bargiin jus it dieđe.

Jus don it leat válmmas girjjiin de webbasajis álkit luoikat ođđasit dan. Ná don barggat:

1. Deaddil “Logge sisa” bajimusas olgeš bealde webbasiiddus. Don logget sisa iežat girjerádjosnummariin dahje persovdnanummarin ja du njealjenummaris pinkodain.
2. Mana “Mu siidduide” badjin gurot nurkkis.
3. Du áigeguovdilis luoikamat čohkkehuvvojit bajilčállaga “Mu luoikamat” vuollái. Jus don háliidat luoikat ođđasit girjji de deaddilat boalu “Luoikat ođđasit”.

Don sáhtát maid riŋget girjerádjosii ja sihtat veahki luoikat ođđasit girjji.

Jus guođát ruovttoluotta ila maŋŋit de fertet máksit divahaga.  Man ollu lea gitta das maid leat luoikan ja man maŋŋit guođát ruovttoluotta dan.  Muitte ahte dávjá sáhtát guhkidit luoikanáiggi jus luoikat ođđasit.

Dieđut girjerádjosa rabasáiggiid birra ja iežáid gávnnat ná:

1. Deaddil “Girjerádjosat & rabasáiggit” fállus webbasajis.
2. Oza du girjerádjosa listtus. Girjerádjosat leat gielddaid mielde Värmlánddas.
3. Dál de oainnát du girjerádjosa rabasáiggiid ja iežáid.

Sáhtát, eanemus girjerádjosiin don sáhtát čálihit, máŋget ja skánnet smávit haddái.  Jeara bargiin du girjerádjosis de oaččut veahki.

Girjerádjosis gávdno ollu doarjja dutnje guhte háliidat hárjehallat ruoŧagiela. Jeara bargiin de oaččit veahki. Ovdamearkkat doarjagiin mat gávdnojit:

• Girjjit álkeslohkkon ruoŧagillii.
• Hárjehallangirjjit.
• Girjjit bálddalaš gielaiguin.
• Muhtimiin lágiduvvojit giellakafeat girjerádjosis.

Gávdnojit máŋga vuogi oažžut lohkanveahki (muhto eanemusat ruoŧagillii giellan):

• Jietnagirjjit, gohččoduvvojit maid Daisy-girjjit, leat jietnagirjjit čielgaseappot lohkamiin. Olmmoš doaibmahehttehusain mii dagaha váttisin lohkat teavstta lea vuoigatvuohta luoikat jietnagirjjiid. Jietnagirjjit gávdnojit luoikamii girjerádjosis ja webbasajis Legimusas. Huma bargiiguin girjerádjosis de oaččut veahki.
• Álkeslohkan girjjit leat girjjit oanibut ja álkibut teavsttain. Daid sáhttá luoikat ruoktut dábálaš girjerádjoskonttuin. Bargit veahkehit du gávdnat álkeslohkkon girjjiid.
• Stuorrastiilagirjjit lea girjjit main leat stuorit teaksta go dábálaččat. Buorre dutnje heittotoainnuin. Daid sáhttá luoikat ruoktut dábálaš girjerádjoskonttuin. Bargit veahkehit du gávdnat álkeslohkkon girjjiid.

Min bálválusa “Girji boahtá” lea dáidda geat eai beasa girjerádjosii girjjiid luoikat. Muhto mii buktit girjjiid olbmo lusa. Jeara bargiin du girjerádjosis “Girjjit bohtet” birra de oaččut eanet dieđuid.

Pressreaderiin don sáhtát lohkat duhát-viissaid áviissaid máŋggaid sierra gielaide. Ná geavahat Pressreader:

1. Logge sisa du PIN-kodain siidui Bibliotekvarmland.se
2. Mana siidui www.bibliotekvarmland.se/pressreader-hemma.
3. Deaddil liŋkka ”Använd Pressreader / Use Pressreader” mii lea siiddu vuolimusas.

Don boađát Pressreadera webbasiidui ja sáhtát álgit lohkat áviissaid. Deaddil “Languages” badjin gurot nurkkis Pressreadera siidus de ihtet áviissat du gillii.

Jus don leat čadnon girjerádjosa wifii de it dárbbaš dahkat lávkkiid dás badjelis. Dan sajis sáhtát mannat njuolga www.pressreader.com dahje geavahit Pressreadera áppa iPhone/iPad ja Androidaide.

Webbasadji ”Världens bibliotek” lea oassi girjerádjosiin Ruoŧas. Dás gávdnojit digitála girjjit iežá gielaide go ruoŧagillii lohkat ja guldalit. Don fertet ráhkadit kontu ”Världens bibliotek” vai sáhtát geavahit bálvalusa. Dat lea nuvttá.

Áppa “Bläddra” fállá e-girjjiid našuvnnalaš unnitlogugielaide. Áppa gávdno iPhone/iPad ja Androidii ja ii gáibit kontu geavaheaddjis. Dat lea nuvttá.

Don sáhtát luoikat e-girjiid ja jietnagirjjiid Biblio áppa bokte. Dás goitge leat eanemus girjjit ruoŧagillii. Viečča áppa iPhone/iPad dahje Androidii. Logge sisa persovdnanummarin dahje girjerádjosnummariin ja du PIN-kodain. Ja de lea dušše álgit luoikat ja lohkat girjjiid Biblios.

Eanemus gielddat Värmlánddas fállet filbmabálvalusa Cineasterna. Cineasternain don nuvttá sáhtát neahttarávdnjet duhátviissaid filmmaid ruovttus. Gávdnojit filmmat máŋggaid gielaide, sihke rávesolbmuide ja mánáide. Visot maid dárbbahat lea girjerájoskontu pinkodain, dihtora, smartphone dahje dihtordulbosa gos vuoseha filmma ja interneahtačátnosa.

Ná geavahat Cineasterna:

1. Mana siidui www.cineasterna.se.
2. Vállje du girjerádjosa rullálisttus gasku šearpma ja deaddil “Joatkke”.
3. Oza filmma man háliidat geahččat.
4. Deavdde du persovdnanummara dahje girjerádjosnummara ja du PIN-koda.

Válmmas! Don sáhtát geahččat filmma 48 diimmu.