Te šaj te upotrebine e bibliotekakere usluge, hem te pozajmine mora te ovel tut konto ki biblioteka hem PIN-kodi. Odova i bizo pare hem važini ko sa o biblioteke ko Värmland. Adžaar šaj te dobine konto ki biblioteka ako isi tut pherde 18 berš hem buteder:

1. Dza ko www.bibliotekvarmland.se/protected/bibliotekskonto, hem pher o formulari. Odova šaj te kere khere ili ki biblioteka.
2. Šaj te dža ki bilo koja biblioteka ko Värmland hem potpišin o dogovor. Le tuja legitimacija slikaja so panda važini.

Ako mangea saj te dobine jek fizičko karta kotar i biblioteka soj povezimi te kontoja kotar i biblioteka, Ama odova nane nešto so mora te ovel tut. Javin tut ki biblioteka ako peradžan ili našadžan i karta, o personali ka pomožini tut te blokirinela.

Ako sian poterno kotar 18 berš, šaj te ikale konto ki biblioteka odolea so ka kere posebno dogovor, odova šaj te ikale ki web stranica hem ki biblioteka. Tlo starateli mora te potpišini o dogovor.

Ako nanetu o švedikano broj/personnummer, ka nasti te phere o formulari ki web stranica. Ama tu šaj te dža ki biblioteka hem lendar te rode pomoč.

Ki web strana šaj te arakhe sa so šaj te pozajmine kotar i biblioteka. Tu šaj te dikhe so desinipe ki biblioteka, kova vakti kerena buti, predlozia bašo lila hem but javera buča.

Ako logirineatu ”mli strana” ki web stranica ka dikhe so tu pozajmindžan hem o pozajmibaskoro periodi. Tu logirinea tut tle matično brojeja/personnummer, ili e brojeja kotar i kartica kotar i biblioteka hem tlo PIN-kodi.

Rode o lil direktno ko okviri rodibaske ki web stranica. Palo so pritisnidžan ko rodibe šaj te filtririne e rodibaskoro rezultati sprema i čhib. Rode i rubrika/naslov ”Čhib” kote so ka filtririne hem ka birine tli čhib.

Normalno vakti pozajmibaske tano štar kurke ama isi izuzetak. Keda pozajminea dobinea je kvito kote so pišini kova datum tu mora te irine odova so pozajmindžan. Tu šaj isto te dikhe keda nakhola o datum kotar odola bučha so pozajmindžan keda logirinea tut andre ki ”mli strana” ki web stranica. Puč e personale ako nasian sigurno.

Ako nasian gotovo jeke lilea šaj but lokheste palem te pozajmine ko web stranica. Adžaar ka kere:

1. Pritisnin ko ” logirin tut” ki upruni desno strana ki web stranica. Tu logirinea tut tle karticakere brojeja kotar i biblioteka ili matično brojeja/personnummer hem tlo PIN-kodi štare brojencar.
2. Dža andre ki ” mli strana” upre ko desno čuši.
3. Tle aktuelno bučha so pozajmindžan kedenape rubrikaja/naslivea ” mlo pozajam”. Ako mangea paljem te pozajmine jek lil pritisninea ki dugma ” pozajmin paljem” .

Tu šaj isto te javinetu ki biblioteka hem te zamolinelen baši pomoč paljem te pozajmine.

Ako iraneja zakasnibaja mora te platine jek taksa. Kozom, pa sa zavisini so pozajmindžan hem kozom kasno iranea palal. Ma bistre but puti šaj te produžine o periodi pozajmibaske odolea so paljem te pozajmine.

Informacia bašo keda i phravdi i biblioteka hem javer šaj te arakhe adžahare:

1. Pritisnin ki ” Biblioteka &radno vreme” ko meni ki web stranica.
2. Rode tli biblioteka ko listo . O biblioteke tane sortirime ko komune ki Värmland.
3. Akana šaj te dikhe keda i phravdo hem javer ki tli biblioteka.

Oja, ko buteder biblioteke šaj te printine, fotokopirine hem te skanirine but hari parenge.  Puč e personale ki tli biblioteka ola ka pomožinen tut.

Ki biblioteka isi but pomoč tuke so mangea te vežbine i švedikani čhib. Rode pomoč kotar o personali. Disave primeria savi pomoč so šaj te dolpe:

• Lila ki švedikani čhib soj lokhe čitibaske.
• Vežbanke.
• Lila paralelno čhibjaja. (lila ko duj čhibja)
• Disavo puti ki biblioteka isi čhibjakiri kafiteria.

Isi razno način te dobinipe pomoč citibaske (but puti ki švedikani čhib):

• Vakerutne lila, kola vikinenape Daisy-lila, odola tane audio lila šunibaja čitimo teksti. Jek dženo soj tano invalidi hem isile pharipe čitibaja, šaj te pozajmini vakerutne lila. Vakerutne lila isi te pozajminenpe ki biblioteka hem kotar i webstranica Legimus. Ker e personalea lafi ki biblioteka hem ola ka pomožinen tut.
• Lila lokhe čitibaske tane lila so isilen hari teksti hem lokho teksti. Odola šaj te pozajminelen khereske jeke obično kontoja kotar i biblioteka. O personali šaj te pomožini tut te arakhe lila lokhe čitibaske.
• Lila bare slovencar tane lila so isilen pobaro teksti. Odova i šukar tuke ako isitu pharipe dikhibaja. Odola lila šaj te pozajminenpe obično kontoja kotar i biblioteka. O personali šaj te pomožini tut te arakhe lila lokhe čitibaske.

Amaro servis/usluga ” O lil avola” tano okolenge so našti te aven ki biblioteka te pozajminen lila. Amen šaj avaja khere ki nekaste. Puč e personale ki tli biblioteka bašo ” O lil avola” hem ka dobine pobuter informacia.

O Pressreader, leja šaj digitalno te čitine but hiljade magazinia ko but razno čhibja. Adžaar šaj te upotrebine o Pressreader:

1. Logirin tut tle PIN-kodea ko Bibliotekvarmland.se
2. Dža ki strana bibliotekvarmland.se/pressreader-hemma.
3. Pritisnin ko linko ”Upotrebin Pressreader / Use Pressreader” so isi natele ki strana.

Ka ave ki Pressreader web stranica hem šaj te počmine te čitine o magazinia. Pritisnin ko ”Languages” upre ki levo čuši ki Pressreader strana te šaj te ave ko magazinia ki tli čhib.

Ako sian povezimo ke bibliotekakoro wifi navaljnni te kere okola korakija soj upre. Tu šaj direktno te dza ko www.pressreader.com ili te upotrebine i Pressreader aplikacia ko tlo iPhone/iPad hem Android.

I web strana ”Lumijakiri biblioteka” tani jek kotor kotar sa o biblioteke ki švedska. Akate isi digitalno lila ko javera čhibja te čitine hem te šune, a na samo švedikane. Tu mora te phrave tuke konto ki” lumijakiri biblioteka ” či te upotrebine lengoro servis/usluga. Odova tano bizo pare.

Ki aplikacia ”Pregledin” nudinipe e- lila ko nacionalno minoritengere čhibja. I aplikacia isi ko iPhone/iPad hem Androidi hem narodela konto te upotrebinipe. I aplikacia tani bizno pare.

Tu saj te pozajmine e- lila hem vakerutne lila e aplikacijaja Biblio. Akate isi pobuter lila ki švedsko čhib. Ladirin i aplikacia ko iPhone/iPad ili Android. Logirin tut tle matično brojea/personnummer ili e bibliotekakere kartakere brojea hem tle PIN-kodea. Poslem šukar ka ovel te počmine te pozajmine hem te čitine lila kotar o Biblio.

Buteder komune ko Värmland nudinena servis/usluge filmenge kotar Cineasterna. E Cineasternaja šaj bizo pare te strimine but hiljkade filmija kheraldan. Isi filmia ko buteder čhibja, hem bašo vozrasno hem čhavenge. Odova so valjani tuke i te ovel tut biblotekakoro konto PIN-kodea, jek komjuteri, smartphone ili tableti kote so ka dikhe o filmia hem internet.

Adžaar šaj te koristine o Cineasterna:

1. Dža ki www.cineasterna.se.
2. Birin tli biblioteka ko listo ki sredina ko ekrani hem pritisnin ” Nastavin”
3. Rode tuke jek filmi kova so mangea te dikhe.
4. Pisin tlo matično broj/personnummer ili bibliotekakoro karticakoro broj hem tlo PIN-kodi.

Gotovo! Tu šaj te dikhe filmia, 48 saatia.